Delikatesa e kompanisë tonë është stafi. Kompania jonë vlerëson dhe është e privilegjuar të ketë një staf të përqendruar dhe të përkushtuar që përbëhet nga mbi 50 profesionistë të talentuar. Në thelb të suksesit të kompanisë tonë është ekipi i ngushtë dhe bashkëpunues që punon së bashku për të arritur qëllimet dhe sfidat e kohës.

Hapat e parë të biznesit i nisëm në vitin 2000, si një dyqan i vogël. Në një periudhë të shkurtër kohore, si kompani e zhvilluam këtë aktivitet në kushte pjesërisht të kënaqshme, por dëshira dhe vullneti ynë na bëri që të lobojmë më shumë në këtë fushë.
Gjatë kësaj periudhe “Agimi Company” filloi të bëhej edhe më e njohur. Pasi importuam të parët pllaka nga Italia, filluam të furnizojmë me produktet tona kompani të tjera vendase.

Përkushtimi ynë për punë, ndershmëria dhe sinqeriteti na mundësoi të rrisim klientelën tonë në masë të madhe. Kjo na shtyu të bëjmë një hap edhe më të madh drejt suksesit.

Në vitin 2019 Agimi Company hapi dyert e showroom-it me një sipërfaqe prej 3000 m² me standarde evropiane dhe arriti të krijojë staf prej 50 punëtorësh. Suksesi nuk ndaloi me këtë hap, ne hymë në bashkëpunim me kompanitë më prestigjioze në botë dhe vazhduam eksportin jashtë vendit.